Covadongas, el nuevu clásicu de la repostería asturiana: «Tán teniendo bien bona acoyida». La Voz
Les hermanes Loreto y Leticia Eres Lueje trabayen con determinación para convertir esti dulce nun referente de la gastronomía de la rexón.
Bien ye sabíu que n’Asturies se come perbién. La comunidá ye reconocida, siquier a nivel nacional, como un paraísu gastronómicu. Destaca polos sos contundentes y sabrosos platos de cuyara, pero tamién pol so repostería, tan tradicional como deliciosa. Son numberosos los postres que conquisten el cielu la boca de los más llambionos. Dendeles casadielles, l’arroz con lleche o les moscovitas, hasta el carbayones, el panchón o les princesines. Ente esta amplia ufierta, atópase un dulce de recién creación que busca convertise nun símbolu más del patrimoniu culinariu de la rexón.
Razones pa ser la nueva referencia de la repostería asturiana nun-y falten. El so nome yá ye toa xuna declaración d’intenciones: Covadongas. Anque, en realidá, onde mora’l so potencial pa ser un postre icónico n’Asturies ta nel so sabor. Cuando ún tastia esti pequeñu duce, tien la sensación de tar esfrutando, nun solu taragañu, la verdadera esencia de la tierrina. Crujiente per fora y tienru per dientro, combina la intensidá de la farina d’almendra y l’ablana col dulzor inconfundible de la mazana d’El Gaiteru, ingredientes principales del recetario tradicional.
«Covadongas» busquen convertise nun productu gourmet
Detrás d’esta receta atopa Carmen Fuego, propietaria de Danes, la emblemática confitería asitiada nel xixonés paséu de Begoña. Fai yá más d’un llustru que la maestra artesana escurrió esti pequenu cubilete con un firme propósitu: que tuviera’l so propiu buecu ente los grandes clásicos de la repostería asturiana. Nesta llucha por consiguilo, dos hermanes d’Uviéu decidieron sumase a la causa y centren agora los sos esfuerzos en llevar el sabor de les Covadongas más allá de les fronteres d’Asturies, por qu’algame la fama que merez.
«Las Covadongas foi un dulce que siempres nos gustó enforma, tanto pol so sabor como pol so embalaxe. Ello ye que vender na tienda de productos gourmet que teníamos na cai Campoamor. Por eso, cuando nos enteramos de que la marca diba sumir, punximos en contactu con Carmen pa coyer el trespasu, porque nos daba bien de pena que se perdiera un productu tan asturianu. Amás, como la nuesa madre llamábase Cuadonga, faíanos una especial ilusión», confiesa Loreto Eres Lueje, la mayor d’estes dos hermanes afincaes en Madrid.
Les hermanes Leticia y Loreto Eres Lueje son agora les propietaries de la marca «Covadongas»
En realizando los trámites pertinentes y superar les habituales torgues del camín del emprendimiento, Loreto y Leticia inauguraron, a finales del últimu trimestre del pasáu añu, una tienda n’Uviéu por que esti dulce volviera tar al algame de tolos asturianos. «Consiguir la marca y la llicencia nun foi nada fácil. Tampoco abrir el negociu porque, anque se trató d’un trespasu, nada ye trivial. Pero, como teníamos munches ganes y creíamos que yera una oportunidá que nun podíamos dexar escapar, tiramos para adelantre», reconocen.
