Musicasturiana.com publica la llista de lo más escuchao en plataformes musicales en 2025. El catálogu de más de 500 referencies qu’alministra tuvo más de cuatro millones de reproducciones qu’aportaron dende 145 países de tol mundu. Musicasturiana.com
Dende que musicasturiana.com entamó’l so llabor de distribución dixital en branu de 2017, vien publicando periódicamente llistes colos artistes, cantares y álbumes más sentíos en plataformes musicales de tol catálogu qu’alministra y que ta formáu por más de 500 referencies. Nel pasáu 2025 estes referencies algamaron más de 4 millones de reproducciones nes plataformes de streaming (Spotify, Apple Music, Amazon Music, Deezer, Soundcloud…) a lo llargo de 145 países de tol mundu.
Artistes más escuchaos en 2025
1. Dixebra — 174.860 reproducciones. La banda más veterana del rock astur, con un inconfundible soníu qu’amesta rock, punk, ska, reggae, funk… a lo llargo d’una estensa discografía.
2. Llan de Cubel — 142.523 reproducciones. Unos imprescindibles del folk asturianu que lleven dende mediaos de los años 80 recuperando, reinterpretando y calteniendo la tradición sonora del país.
3. Spanta la Xente — 119.693 reproducciones. La banda l.leniza de folk-rock lleva un tiempu ensin asoleyar material nuevu ni dar conciertos, pero’l públicu sigue sintiendo la so música y naguando por un regresu.
4. Corquiéu — 107.410 reproducciones. Otros clásicos del folk celta asturianu, con cuasi 30 años d’actividá y que’l pasáu 2025 volvieron a sacar material discográficu col EP El Zanjón.
5. Skama la Rede — 103.461 reproducciones. Esta banda de punk-ska-folk festexó’l pasáu añu 20 años d’actividá llanzando un trabayu nuevu que caltién el so estilu reivindicativu y festivu.
6. Felpeyu — 101.741 reproducciones. Otra de les bandes más importantes del folk asturianu acústicu que’l pasáu añu tornó col EP Si quies que baille contigo.
7. Skontra — 84.924 reproducciones. Anque lleven dende 2015 ensin publicar un trabayu, esta banda punk-folk sigue siendo una de les más escuchaes del xéneru.
8. Muyeres — 80.944 reproducciones. L’agrupación de música tradicional y la so discografía son una ayalga pa caltener y esparder los soníos de raigañu del país.
9. Banda Gaites Llacín — 69.721 reproducciones. La banda de gaites llanisca llanzó en 2025 el so tercer trabayu, Resollu, y nél continúa una llinia sonora qu’apuesta por tener un pie na tradición y otru na modernidá.
10. Algaire — 71.432 reproducciones. Con un únicu discu publicáu, el cuartetu de música tradicional renovada conviértese nún de los artistes más escuchaos del país.
Cantares más escuchaos en 2025
1. Guti – Pasucais de la madreña — 35.005 reproducciones. Pieza tradicional del gaiteru Guti recoyida nesti discu asoleyáu en 2003.
2. Felpeyu – Escaecimientu — 17.865 reproducciones. Ún de los himnos más actuales de Felpeyu, con lletra dedicada a la memoria histórica.
3. Felpeyu – Ferreirín — 17.732 reproducciones
Cantar escrito n’asturianu occidental que trata la temática de la emigración nel mundu rural.
4. Spanta la Xente – Sones: “Así Suena Esta Tierra” — 17.362 reproducciones. Un orixinal himnu dedicáu a la música’l país.
5. Spanta la Xente – La Mio Asturies — 15.423 reproducciones. Cantar del grupu folk-rock centráu n’Asturies.
6. Felpeyu – Préstame dir — 14.713 reproducciones. Tema nel que la mítica formación fai gala na lletra del so humor característicu.
7. Skama la Rede – Asturies borracha — 14.066 reproducciones. Ironía y reivindicación nún de los primeros cantares qu’asoleyó esta banda lluanco-candasina-maliaya.
8. Llan de Cubel – La xibarte — 13.724 reproducciones. Pieza instrumental del últimu trabayu publicáu por esta banda fundamental de la música asturiana.
9. Muyeres – Don Federico — 13.329 reproducciones. El cantar qu’abre’l primer discu onde Muyeres inclúi temes de composición propia.
10. Dixebra – El burru — 12.748 reproducciones. Ska y soníos balcánicos nún tema que la banda rock-astur dedicó a un fechu asocedíu mentanto la revolución d’ochobre de 1934.
Álbumes más escuchaos en 2025
1. Skontra – Semeya de la Rabia — 136.020 reproducciones. L’estrenu discográficu de la banda punk-folk, formáu por diez himnos.
2. Felpeyu – Cerquina — 111.889 reproducciones. L’últimu álbum de llarga duración qu’asoleyó esta formación folk.
3. Algaire – Coral y Maera — 101.580 reproducciones. L’estrenu discográficu de la formación mierense qu’axunta pieces tradicionales y otres de composición propia.
4. Alienda – Alienda — 93.313 reproducciones. El primer discu que llanzó esta moza banda de power folk.
5. Vicente Díaz – Montes Cantábricos — 87.355 reproducciones. Discu que publicó en 2009 l’artista más importante del pop llariegu.
6. Spanta la Xente – Revolucionando — 84.923 reproducciones. L’últimu trabayu qu’asoleyó en 2015 esta banda folk-rock.
7. Muyeres – Humanes — 74.948 reproducciones. El primer discu nel que Muyeres renueva la so propuesta musical y estética, con temes de composición propia.
8. Llan de Cubel – La Lluz Encesa — 70.324 reproducciones. Hubo qu’esperar 19 años, pero’l regresu discográficu de Llan de Cubel amuesa qu’el tiempu pagó la pena.
9. Corquiéu – La Barquera — 68.367 reproducciones. La formación ribeseyana de folk estrenóse nel añu 2000 con esti discu qu’inclúi varios de los sos clásicos.
10. Banda Gaites Corvera d’Asturies – Al Debalu — 64.790 reproducciones. El primer discu d’esta agrupación dirixida por Bras Rodrigo.
Los países onde más s’escucha
1. Estáu español — 3.313.326 reproducciones
2. Estaos Xuníos — 165.601 reproducciones
3. Méxicu — 91.878 reproducciones
4. Francia — 66.760 reproducciones
5. Chile — 32.449 reproducciones
6. Arxentina — 31.951 reproducciones
7. Reinu Xuníu — 31.860 reproducciones
8. Alemaña — 28.023 reproducciones
9. Brasil — 22.690 reproducciones
10. Italia — 18.975 reproducciones
