Carrusel cultural de la nuesa hestoria y recuperación del antroxu tradicional uvieín.
🎭 Los Mazcaritos d’Uviéu son los personaxes tradicionales q “corrían el Antroxu” nes cais de la ciudá y tienen el so raigañu nes mazcaráes d’iviernu. En 2017, l’asociación cultural Paraísu Local Creativu recuperó la so figura para’l cascu antiguu de la mano d’Ánxel Nava.
🧌 La Estrozona, los Zaparrastros, el Galán y la Madama, La Rollona, el Neñu y el Soldao, el Zuavu, el Cura, el Diañu Coloráu, la Osa y los Zíngaros, el Ciegu, La Ciega y el Capitán de la Comparsa caltienen viva una tradición histórica revolucionando les cais coles sos coples y pilleríes mientres trés díes y una nueche: xueves de comadres, sábadu frixueleru, domingu gordu, llunes gordu y martes d’antroxu.
✊🏽 Amás, convirtiéronse n’una ferramienta de crítica social y reivindicación para señalar les necesidaes de la ciudá. La denuncia de barreres arquitectóniques, la contaminación o la especulación inmobiliaria en La Vega fueron dalgunos de les temes que tuvieron presentes nesta folixa antroxera.
