LNE /Asturies vuelve al centru del alderique mineru: España va revisar les sos reserves de minerales estratéxicos y el Principáu parte con ventaya. El
programa estatal aprobáu pol Conseyu de Ministros reactiva per primer vegada en más de mediu sieglu la esploración sistemática del sosuelu español. El Principáu asítiase nuna posición destacada pol so potencial xeolóxicu, el pesu de la fluorita y el valor de les sos antigües borrafes mineres. El plan del Gobiernu incorpora a Hunosa a la nueva fase d’esploración minera y d’analís d’antiguos espacios extractivos.
L’Axenda Verde” ye tamién “una axenda económica, de seguridá y de prosperidá de primer orde a nivel européu”, nun contestu marcáu pola necesidá d’asegurar suministros pa la transición enerxética, la digitalización y sectores industriales avanzaos.
Ese ye’l marcu nel qu’Asturies vuelve apaecer con fuerza: non yá como cuenca del carbón del pasáu, sinón como territoriu con un abanicu de recursos que l’Estáu quier volver mirar con detalle.
El Ministeriu xustifica’l plan pol creciente pesu d’estes materies primes na economía global. La Unión Europea identificó 34 materies primes básiques pa ámbitos como les enerxíes anovables, la movilidá eléctrica, les tecnoloxíes dixitales, la industria avanzada o la defensa.
España, según Aagesen, cuenta siquier con 22 d’eses 34 materies primes fundamentales, anque l’oxetivu agora ye precisar non solo ónde tán, sinón si son accesibles y vidables.
Nesa xera, Asturies apaez como una de les comunidaes con más densidá de nicios y más variedá de mineralizaciones. El mapa de nicios qu’acompaña’l borrador del programa nacional (el documentu definitivu va conocese esti miércoles) amuesa una concentración bien alzada de puntos na franxa cantábrica y nel noroeste peninsular.
La estampa ilustra con claridá esa condición de la rexón como auténticu “ensame” de riqueza xeolóxica.
