Esperamos una xornada estable en tol Principáu. Vamos Poder amanecer con delles nubes baxes en determinaos puntos de la rexón pero rápido van sumir para dar pasu al sol. Con éses prevese una xornada soleyera mientres gran parte de la mesma. Comoquier, nun se refuga que dellos intervalos de nubes baxes vuelvan apaecer, sobremanera nel centru y nel oriente, a lo llargo de la tarde. Los vientos van ser fluexos polo xeneral. Les temperatures máximes van xubir nel interior y van caltenese ensin cambeos na mariña y proximidaes. Les mínimes, sicasí, van baxar de forma daqué más xeneralizada.
El vienres va visitanos un frente fríu que va provocar un cambéu atayante nes condiciones meteorolóxiques. Vamos Amanecer con tiempu estable, pero a lo llargo de la mañana vamos reparar como va dir entrando nubosidad pol occidente y va dise estendiendo por tola Comunidá Autónoma. A partir del mediudía les precipitaciones van percorrer la rexón dexando xuna tarde pasada per agua. Amás, la cota de nieve va dir baxando hasta asitiase sobre los 800 metros a la fin del día.
El sábadu va ser una xornada cargada de nubes, precipitaciones y nieve a partir de los 800/1000 metros.
