Reel La guerra siempres llega envolubrada en palabres llimpies: “seguridá”, “defensa”, “necesidá”, “orde”. Y dempués, cuando yá güel a fumu, les palabres vuélvense pequenes y los cuerpos estadístiques. La guerra nun ye épica. Ye loxística. Ye mieu. Ye ruiu. Ye xente que nun se conoz matándose por decisiones que se tomen llueñe, bien llueñe, en despachos con café caliente y manos llimpies.
Va haber guerres “xustificaes” nos discursos. Pero na vida real lo qu’hai ye dolor: families rotes, neños y neñes aprendiendo demasiáu puestu lo que significa un estrueldu, y persones adultes qu’enxamás vuelven del tou anque tornen. Dicir “NON A LA GUERRA» nun ye ser una persona inocente. Ye recordar lo básico: que la paz nun ye un eslogan, ye un trabayu; que deshumanizar al otru ye’l primer disparu; y que naide gana de verdá cuando’l preciu pagar les de siempre. Si güei paezte qu’esto nun va contigo, piensa una cosa: la guerra siempres empieza llueñe… hasta que dexa de faelo
