La Conseyería de Cultura, Política Llingüística y Deporte reforzó la presencia del sector audiovisual asturianu nel Festival de Málaga cola primer edición del «Principitch d’Asturies» y la presentación de 21 proyectos cinematográficos pa favorecer la so promoción internacional.
Los proyectos «Benigno’, de Luis Iglesias Rodríguez, y «Timidez botánica», de Mónica Arnanz, resultaron ganadores d’esta primer convocatoria y recibieron un impulsu económicu de 1.500 euros cada ún pal so desarrollu.
La iniciativa celebróse nel marcu de MAFIZ Málaga y del alcuentru profesional «Cine d’Asturies», que reunió a la delegación asturiana —formada por 34 profesionales y empreses del sector audiovisual— con productores, distribuidores y otros axentes de la industria nacional y internacional.
El Gobiernu d’Asturies participó per segundu añu consecutivu na zona d’industria del festival con un estand propiu, onde presentó un catálogu con 21 proyectos financiaos pol Executivu autonómicu en 2025, cola mira puesta n’abrir oportunidaes nueves de collaboración y financiación internacional. Conseyería de Cultura, Política Llingüística y Deporte
