Esta fin de selmana va aprucir l’aire polar tres el pasu d’un frente, dexando un baxón térmicu n’España y un episodiu de nevaes en cotes baxes en delles comunidaes. La masa d’aire polar va empezar a entrar pol noroeste a la fin del vienres, estendiéndose al restu’l sábadu.
Esti últimu día la cota de nieve puede cayer per debaxo de los 800 metros nel terciu septentrional.
El próximu vienres un frente va empezar a cruciar el noroeste peninsular. El sábadu va terminar de cruciar la Península, dando pasu a un episodiu ivernizu.
El vienres van siguir apoderando les altes presiones, pero un frente atlánticu va llegar al noroeste peninsular, onde amás de dir nublando los cielos van dexar agües, que van ser intenses y abondoses en Galicia y Asturies. Mientres la tarde-nueche les precipitaciones van estender por otres zones del norte peninsular, empezando a producise nevaes nos montes.
Les cotes de nieve van dir baxando hasta quedar asitiaes nel Cordal Cantábricu a la fin del día en redol a los 1000-1200 m. Esta situación va ser l’antoxana d’un episodiu ivernizu de curtia duración que vamos tener el sábadu.
