Asturies va acoyer el XVIII Festival Internacional de la Mázcara Ibérica (FIMI) 
Per primer vez dende la so creación en 2006, el festival sal de Portugal y celébrase n’Asturies. Una edición histórica pal nuestru patrimoniu cultural inmaterial.
El momentu cume va ser el desfile del 13 de xunu n’Uviéu, con cerca 600 participantes de la Península Ibérica y otros países europeos.
El FIMI 2026 coincide col procesu pa declarar les mazcaraes asturianes Bien d’Interés Cultural (BIC) de carácter inmaterial.- Va haber esposiciones, charles, conciertos, talleres d’artesanos y proyecciones audiovisuales, poniendo en valor la tradición y la identidá compartida.
Una cita histórica que reconoz el trabayu de los colectivos asturianos y favorez la difusión internacional de les nuestres mascaraes - Más información https://actualidad.asturias.es/-/fimi13
Hestoria del festival
Esti festival tien el so puntu de partida en 2006, cuando un desfile na ciudá de Porto marcó l’arranque d’esta iniciativa cultural. Nos años siguientes, el FIMI consolidose en Lisboa con quince ediciones consecutives, celebraes na Baixa lisboeta y nos Jerónimos, hasta convertise n’unu de los eventos culturales más relevantes de la Península Ibérica y atraer a miles de visitantes y participantes de dellos países.
Nos distintos años dende la creación del FIMI fueron munchos los grupos asturianos que participaron viviegamente na so programación, apurriendo’l so trabayu y el so compromisu a un proyectu cultural compartíu. Colectivos como los Mazcaritos d’Uviéu, Os Reises de Tormaleo, Os Reises de Valledor o los Sidros, ente otros, viaxaron a Portugal pa formar parte del festival, amosando la riqueza de les nueses mazcaraes y contribuyendo a estrechar unos llazos que se consolidaron colos años.
