- Bonos díes. Anueche fui a ver la película española “Buffalo Kids”, precisamente nel día que lu estrenaben. Ye una película estupenda y risondera onde salen a rellucir valores como l’amistá, l’esfuerzu y el trabayu n’equipu. Los personaxes principales de la película son los hermanos Tom y Mary, amás de Nick, un neñu con paralís cerebral.
- El personaxe de Nick ta inspiráu en Nico Solís, fíu d’unu de los directores y fináu en 2021. Ver cómo Mary trata a Nick ye tou un exemplu de normalización, amor y respetu, amás d’una llección para aquelles persones que nun entienden, xulguen ya ignoren a les persones con paralís cerebral. Encamiéntovos que vaigáis vela, yá que amás de ver una película risondera y con munchos valores, emocionaréis en delles escenes. Lleváivos unos pañuelos polo que pueda pasar . Un abrazu y norabona a toles persones que fixeron realidá “Buffalo Kids”.
- Directores: Pedro Solís (@solisgarciapedro) y Juan Jesús García Galocha (@juanjesusgalo).
- Ficha Filminity /
Recomendación de «Buffalo Kids»
