Un comerciu xixonés sigue’l cercu de dellos colexos y asociaciones culturales de la rexón para impulsar la recuperación del equivalente asturianu al árbol de Navidá, una estructura triangular con veles, llazos y hasta rosquíes.
Noelia Álvarez, Lluis Fanjul, Inaciu Galán y Eva y Alicia Wood, énte’l ramu Nadal. / Marcos León
El ramu Nadal, la versión asturiana del árbol de Navidá –o, meyor, del solsticiu d’iviernu–, lleva años buscando recuperar el so buecu na rexón.
Impulsáu dende va tiempu yá sía por escolares como los avilesinos del colexu Marcelo Gago, por alumnos del Conservatoriu de Mieres, o por miembros de l’Asociación Cultural Trebeyu, de Grau, lo que traten toos ye promocionar de nuevu xuna estructura triangular de madera en representación d’un árbol, a la que se-y añade verde de texu o carbayu, incorpórense-y 12 veles, como alusión a la lluz qu’aspiren a tener los meses del añu, y tamién bonos deseos en forma de dulces, llazos o elementos simbólicos.
