Dende esti 29 de mayu y hasta el 1 de xunu, el menú de L’Ascensión va llegar a les principales meses y para suerte de los bonos cielos la boca, una vegada que termine esti apueste gastronómicu van empezar les xornaes del Día Mundial de la Sidra, del 2 al 8 de xunu. Once díes en total, toos siguíos, d’auténticu esfrute n’Uviéu. Cartelu
56 restoranes, 8 de la capital asturiana, sirven por L’Ascensión menestra de temporada, carne gobernada al estilu d’Uviéu y tarta de quesu con cereces. «Cada vez participen más. N’Asturies nun ye kilómetru cero, ye metro cero porque coyemos los productos cada vez de más abargana», destacó’l presidente de OTEA, José Luis Álvarez Almeida.
Tocantes a la cita cola sidra, el 3 de xunu celebrará un actu na plaza del Conceyu, con repartida de botelles, vasos y un escanciáu simultáneu, como parte principal d’unes xornaes . Unos 50 restoranes de toa Asturies inscribiéronse nestes xornaes. Almeida sorrayó la importancia de «faer coses na cai con respetu, pero protexer los nuesos chigres». Tamién felicitó a la cai Gascona pol so exemplu, como la organización de la recién Preba de la Sidra.
