¿D’ónde procede’l topónimu “Pumarín” que noma al barriu de la ciudá d’Uviéu y a otros llugares d’Asturies?. El términu de Pumarín da nome hasta a diez (seguro qu’hai munchos más) llugares n’Asturies nos conceyos de Coaña, Xixón, Villaviciosa, Caravia, Grau, Uviéu, Siero, Mieres, Llangréu y Samartín del Rei Aurelio.
Los plantíos de frutales (al marxe de les tierres dedicaes específicamente a un usu concretu), los pumares figuren en prácticamente tolos conceyos asturianos (Fig. 1). L’únicu conceyu nel que nun s’atoparon referencies a pumares ye Degaña, nel suroccidente de la rexón, onde los únicos frutales yeren “dellos castañales y cerezales que fructifican bien pocu pola frialdá de les tierres” (Antuña, 2017, p. 245).
Lo más lóxico ye pensar que dichu términu fai mención a un diminutivu de Pumar. Pero tamién quepe la posibilidá de que’l términu faiga referencia al nome d’una persona como “Pomarinus” o “Pomerius”; inda na actualidá hai apellíos como Pumarino; tollo según la Toponimia Asturiana de Xosé Lluis García Arias (Editorial Prensa Asturiana, 2005).
Si reparamos el mapa axuntu vemos que’l topónimu “Pumarín” dase principalmente en zones productores de mazana, polo que paez que lo más probable ye qu’esti términu tea íntimamente rellacionáu con pumar o pumarada, llugar de plantíu de pumares.
N’Asturies, les zones de producción de mazana, especialmente para la sidra, concentrense na zona central y occidental de la rexón, con énfasis na Contorna de la Sidra. Esta contorna inclúi localidaes como Colunga, Bimenes, Cabranes, Sariegu, Nava y Villaviciosa, onde’l floriamientu de los pumares ye particularmente impresionante.
