Un campusantu comunal con 27 tumbes escavaes en tierra, ensin llábanes nin dueños. El postreru fináu, recibe sepultura na tumba onde s’atopen los restos más antiguos. Y una antigua costume de los pueblos de la zona, tamién de Quirós y otros llugares, de probable orixe paganu. Los díes previos a Difuntos, los vecinos afaten les tumbes con cobertores de flores. Da igual si entá queden o non familiares vivos que puedan faelo, nenguna queda ensin decorar.
Tierra negra, posos de café pa igualar el terrén que sirve de llenzu y les flores asitiaes formando distintes composiciones. Un homenaxe a un pueblu que, en comunidá, recuerda a los sos difuntos y caltien vivas les tradiciones. Semeyes del añu pasáu, en díes posteriores al 1 de payares, respetando la intimidá de los familiares.
