Los hospitales asturianos ellaboren menúes especiales para los sos pacientes mientres les fiestes. Los centros sanitarios públicos van acompañar les comíes y cenes con dulces navidiegos y sidra ensin alcohol. La cena de Nuechevieya va incluyir les uves de la suerte y el 6 de xineru sirvirá roscón de Reis.
Na cocina del Hospital Universitariu Central d’Asturies (HUCA), en Nuechebona preparará crema d’andariques, pitu caleya con guarnición de verduras y pataca y postres navidiegos, con cava. A otru día va haber marmitako de langostino, medallón de xata con guarnición de verdura y pataca y cremosu de piescu y galleta.
