Actualidá / Programa jornadas ‘La toxicidad está en el aire… ‘/ El director d’Axenda 2030 encamienta a les instituciones y colectivos sociales a collaborar pa enllantar “una economía para la vida” con más derechos. Juan Ponte aboga por una mayor audacia política para lluchar contra’l procesu de desdemocratización y les polítiques que «ponen a competir a los postreros colos penúltimos».
El director xeneral d’Axenda 2030, Juan Ponte, encamentó güei a les instituciones públiques y a los colectivos sociales a collaborar pa construyir una “economía para la vida” qu’ufierte más derechos y bienestar. Asina lo espunxo na presentación de les xornaes La tosicidá ta nel aire… y la bona xente tamién, que busquen ser una respuesta a los mensaxes d’odiu, que “nacen de la desinformación y la mentira”, aseguró.
Ponte consideró «absolutamente urxente» celebrar estes xornaes, que recueyen l’espíritu de l’Axenda 2030 que s’inspira nel principiu de que naide ye más que naide “y de esto síguese, como corolariu, que naide se puede quedar tras». En llamentando la rotura de los consensos posteriores a la Segunda Guerra Mundial, que sometíen les relaciones ente países a les normes y a dereches internacional, sollertó de que vuelve “la llei de la selva, onde la fuerza ye’l criteriu decisoriu”.
Amás, denunció que se vive un procesu de desdemocratización que se reflexa nun retayu de derechos, l’aumentu de la desigualdá y la perda de reconocencia de los bienes comunes y los servicios públicos. Y tou ello, sorrayó, “ta produciéndose nos países más ricos”. Pa oponese a ello, Ponte defendió una política “con altor de mires y mayor audacia”, cola que poder defender “con uñes y dientes más derechos y bienestar”.
El director calificó d’erru garrafal” achacar a la ignorancia la meyora de los discursos d’estrema derecha. “La fatiga democrática surdi cuando nun cumplimos coles mires d’emancipación social y retáyense los derechos sociales y les llibertaes civiles, lo que xenera malestar ente la ciudadanía”. Y apuntó a sentimientos como’l despreciu, la envidia o la rensía como’l xerme de “la implantación de los discursos de la estrema derecha, que surden de polítiques que ponen a competir a los postreros colos penúltimos”.
Pa combatilo, Ponte aboga por un nuevu modelu económicu que dexe dar respuestes a les necesidaes reales de la ciudadanía, anteponiendo los intereses de la mayoría al beneficiu de les oligarquíes. “Nun hai fórmules máxiques, pero la receta pa combatir l’odiu de la estrema derecha tien que ver con enllantar una economía antifascista, que sía pa la vida y ufierte más derechos y más bienestar».
Ponte esplicó, a lo último, que ye imprescindible rellacionar derechos sociales y medioambientales, porque «van de la mano: La transición ye transición ecosocial».
Les xornaes, que cunten col financiamientu de la conseyería, van celebrase los díes 12 y 13 d’avientu nel Arquivu Históricu d’Asturies (Antigua Cárcel d’Uviéu). Amás de Juan Ponte, participaron na presentación, ente otros, representantes de la Coordinadora de ONGDs d’Asturies (Codopa), el Conceyu d’Uviéu, la Universidá d’Uviéu, el Conseyu de La Mocedá y XEGA.
