Conseyería de Cultura, Política Llingüística y Deporte
El Principáu reúne en La Llaboral a más de 260 intérpretes y docentes de música tradicional nes «Xornaes de la Música Tradicional Asturiana: Escueles de música tradicional». Un alcuentru que combina meses redondes, conciertos y exhibiciones, y que pon el focu na tresmisión colectiva y na importancia d’esti patrimoniu inmaterial.
Na inauguración, la conseyera Vanessa Gutiérrez anunció qu’en 2026 va ponese en marcha un plan estratéxicu pal sector, una ferramienta llamada a conocer la so realidá y empobinar polítiques públiques más fuertes y eficaces. El presupuestu de la conseyería pal añu que vien suma, amás, 200.000 € pa les escueles de música tradicional y otros 200.000 € pa iniciatives de difusión de la cultura popular.
Les Xornaes inclúin un gran alcuentru d’escueles, con 180 mozos y mozes, y actuaciones de bandines y agrupaciones que representen la vitalidá de la enseñanza musical n’Asturies. La segunda xornada va centrase na cultura asturiana de la gaita —anguaño en fase de documentación pa la so declaración BIC—, con especial atención a la fabricación, la investigación y la presencia de muyeres gaiteres referenciaes.
El programa completaráse con «Gaites del mundu» y el conciertu final de la Banda Gaites Llacín, que va presentar el so discu Resollu.
Toles actividaes son d’accesu llibre con inscripción previa: https://goo.su/0bUKtMás información 
