D’hoxaldre o de bollería. Rellenu o ensin rellenu. Con fruta escarchao o ensin ella. El roscón de Reyes enllena les pasteleríes asturianes y ta en casi toles cases. #dulcenavideño #tradición #grastronomía #roscóndeReyes Los roscones xuben cerca de dos euros el quilo pola medría de les materies primes. TPA
El sector calcula que n’España van vendese estos díes 30 millones de roscones.
Los roscones son los protagonistes de los escaparates y los obradores nun paren de producir. El tradicional d’hoxaldre rellenu d’almendra sigue siendo’l preferíu, pero la bollería rellena ta puyando fuerte señala Emilio Conejo, de la Pastelería Vidal.
Escoyer el roscón perfectu pue convertise nun alderique familiar al más altu nivel asegura Adrián Menéndez, de la Pastelería Grado.
Anguaño, el preciu d’esti dulce xubió ente un 6 y un 8% según la Federación de Consumidores, Facua. Nes pasteleríes artesanes los precios ronden los 27-35 euros con rellenu.
Aldeas Infantiles reparte más de 7.000 raciones d’un roscón xigante en La Puerta del Sol. RTPA
La organización lleva 34 años compartiendo con vecinos y visitantes el dulce solidariu.
Güei La Puerta del Sol de Madrid vivió una escena mui dulce. Aldeas Infantiles repartió más de 7.000 raciones d’un roscón xigante. Lleven 34 años compartiendo con vecinos y visitantes esti dulce con un oxetivu solidariu.
Munchos tán esperando a que llegue’l roscón a les sos cases. Otros llevamos comiéndolo dende feches que nun nos atrevemos a reconocer. Pero de xuru que nengún d’esos roscones ye como esti. Nada menos que 7.500 raciones saldrán d’él.
Paez que gusta. Esti ye’l veredictu de les decenes de persones que ficieron cola pa poder probalu. Pa facer esti roscón xigante necesitáronse 700 kilos de fariña, 2.000 güevos, 120 kilos de zucre o 35 kilos de fruta escarchao.
Too acompañao de chicolate caliente nuna mañana mui fría, anque nun se note.
Dende 1989, Aldeas Infantiles lleva repartiendo esti roscón con un fin solidariu. Una bona ocasión pa recaldar fondos y captar socios, y poder llevar alantre programes como’l del so Centru de Día n’Asturies.
