El narcisu (#Narcissus) [tamién conocíu como grillándana, capilote, capuchón, maya, manteguera…] ye la flor emblema de los montes asturllioneses. Florez pel Cordal Cantábricu n’acabando l’iviernu y cuenta con una subespecie autóctona, el «narcissus asturiensis» 
Ye una especie de planta bulbosa perteneciente a la familia de les amarilidáceas, reinal del cordal Cantábricu, dende los Montes de Llión hasta la sierra d’Híjar.
Narcissus asturiensis crez n’altitúes d’hasta los 2000 metros. Algama un tamañu de 12,7 cm d’altor y tien pequenes flores marielles. Ye una especie amenaciada na naturaleza, pero que ye susceptible de cultivu. Puede cultivase como llanta de xardín resistente al fríu, que precisa la vernalización (un períodu de clima fríu). Como llanta de xardín, floria a finales de xineru o principios de febreru a baxu altor.
