Publicado en Montes, Ser Asturianu

Monte: L’Escamellau, na parte oriental de los Picos d’Europa

L’Escamelláu (2068 m) ye la última de les cimes del cordal de La Garmona, na parte oriental de Los Picos d’Urrieles, faciendo llende ente #Asturies y #Cantabria,
Les interpretaciones sobre la so etimoloxía son variaes y simpátiques; unos dicen que ye un sinónimu de «acamelláu» (atáu a la ‘camella’, un tipu de xugu), mientres qu’otros aputen a un sinónimu de «escaramelláu», güesudu (ensin caramiellu~camiellu).

Sigue leyendo «Monte: L’Escamellau, na parte oriental de los Picos d’Europa»

Publicado en Cuadros de pintura, Ser Asturianu

«La segadora/Campesina asturiana» Agusto Junquera

🖼 Augusto Junquera, «La segadora/Campesina asturiana» (c. 1890).  Augusto Junquera-Huergo Lavín (Uvieo, 1869-1942) foi ún de los pintores más importantes del naturalismu asturianu, discípulu de Luis Menéndez Pidal. Nesta pintura apaez una rapaza de dieciséis años de Villamaxil (#Uvieo) preparada pa la siega, con gadaña y macona. Realista y colorista, rescampla’l dengue azul, el pañuelu mariellu y los peredengues d’oro y acebache. Pintura.
Publicado en Pallabreru, Ser Asturianu

Pallabreru: la fuina (garduña)

La #fuina (martes foina) ye un mamíferu mustélidu de pates curties y rabu llargu, que tien el pelo marrón escuro con una mancha blanca pel papu y el pechu. Ye un animal nocturnu y solitariu que s’alimenta de mures, páxaros, xaronques, güevos, insectos, fruta o miel. Imaxe
➡️ Nun ha confundise cola ‘marta’ o ‘fuín’ (martes martes), que se diferencia por tener el pechu de color roxo (anque la tradición oral nun suel estremales), nin cola ‘mustadiella’ (mustela nivalis), muncho más pequeña.
➡️ Úsase tamién como insultu en referencia a les persones viles, míseres o arteres.
Publicado en Pallabreru, Ser Asturianu

El lleche

El #lleche (lleiche~ḷḷeiche o lleite~ḷḷeite nel dialectu occidental) ye una secreción de color blanco que producen les glándules de delles femes dempués de parir p’alimentar a les críes 🥛 IMAXE
El consumu de lleche animal (de vaca, oveya, cabra, camella, alce…) forman parte de l’alimentación humana en dalgunes cultures dende va 9000 años y ye la base de bien de productos lácteos, como la mantega, el quesu, la cuayada o’l yogur.#Pallabreru
Publicado en Montes, Ser Asturianu

El Cuetu d’Arbas ye’l picu más conocíu del conceyu de Cangas del Narcea

🏔 El Cuetu d’Arbas (2002 m) ye’l picu más conocíu del conceyu de Cangas del Narcea, na llende con Ḷḷaciana (Llión). El so nome paez venir de la voz «arba», un sinónimu d’argayu o terrén pindiu. Encuádrase nún de los paisaxes de modelao glaciar más representativos del occidente asturianu, con bona presencia de llerones, circos y pociellos d’excavación glaciar onde vinieron formando tierres muelles y llagunes, como la famosa Ḷḷaguna d’Arbas. IMAXENES
Publicado en Ser Asturianu

Pallabreru: Navidá

La #Navidá (del llatín nativitas, «nacimientu») ye una de les celebraciones más importantes del cristianismu, que conmemora’l nacimientu de Xesucristu en Belén, ente’l 24 d’aviento y el 6 de xinero.

Los Evanxelios nun detallen la fecha precisa del nacimientu de Xesús. Piénsase que la celebración del 25 d’aviento tien orixe en festividaes rellacionaes col solsticiu d’ivierno (como’l Sol invictus y la Saturnalia) y que foren adaptaes polos cristianos nel sieglu III pa facilitar la conversión de los pueblos paganos.

*»Nadal» ye una forma extinta nel sieglu XIX y namás se conserva de forma relíctica en dalgunos refranes, mientres que nel asturllionés de la Tierra de Miranda úsase *Natal, coincidente col portugués.

#Pallabreru

Publicado en Ser Asturianu

Viesca

Una #viesca ye un ecosistema onde los árboles y arbustos son la vexetación predominante.

➡️ Anque viesca y bosque sean pallabres asemeyaes, la etimoloxía ye distinta; «Viesca» vien del llatín VESCU y ye la forma mayoritaria n’asturllionés, mientres que «bosque» procede del occitano «bosc» y ésti al tiempu del franco (xermánico) BUSK, y namás se recopila en Llanes y Cabrales.

Publicado en Ser Asturianu

Ochobre

#Ochobre (outubre, San Francisco, Samiguel…) ye’l décimu mes del añu, anque nel calandariu romanu yera l’ochavu, d’ehí’l so nome. En dellos conceyos del centru del cordal cantábricu llámenlu «mes de les castañes» 🌰

Ser Asturianu: Dicires

El #verano ye la estación más cálida del añu, del llatín VERĀNUM (de primavera). Y ye que pa los romanos existíen 2⃣ estaciones namás: ivierno y primavera, esta última dividida en: ➡️ 𝙋𝙧𝙞𝙢𝙪𝙨 𝙫𝙚𝙧𝙖𝙣𝙪𝙨 (pimavera) / ➡️ 𝙑𝙚𝙧𝙖𝙣𝙪𝙢 𝙩𝙚𝙢𝙥𝙪𝙨 (verano) / ➡️ 𝘼𝙚𝙨𝙩𝙖𝙨 (estival, caliente) / ➡️ 𝘼𝙪𝙩𝙪𝙢𝙣𝙪𝙨 (seronda)

*La forma «verano» ye la única existente nel dialectu central del asturllionés, mientres que nel dialectu occidental ye común la pallabra «branu».

Publicado en Día de..., Dicires, Ser Asturianu, Sidre

Feliz Día de la má

Non toos tenemos la suerte de tener a la nuestra madre con nós, otros simplemente nun guardamos una bona rellación con ella…Por eso, dende Ser Asturianu proponémosvos otra manera de celebrar el #DíadelaMadre más empática y menos ostentosa 🍏#Madre: posu formáu pol formientu y otros elementos inertes qu’apaez en delles bebíes, como la #sidra y que ye, al tiempu un bon indicador de calidá.
Publicado en Ser Asturianu

Fueu versus llume

  • Fonte:   Ser Asturianu /imaxe

N’asturllionés #llume y #fueu son sinónimos, anque non siempre s’usen igual 🔥 Etimolóxicamente, el llume (incontable) refierse al fenómenu que provoca lluz y calor, mientres que’l fueu fai referencia a la combustión y ye contable.
➡️ Prender, encender, poner o meter fueu.
➡️ Prender o encender llume.
Tamién, podemos dicir el cultismu «incendiu», pero lo tradicional ye falar de «fueos» o «quemes».Otramanera, la interxección «¡fueu!» úsase pa disparar y «¡llume!» pa entainar un llabor o una celebración 🥳
Publicado en NATURA, Ser Asturianu

El narcisu ye la flor emblema de los montes asturllioneses.

El narcisu (#Narcissus) [tamién conocíu como grillándana, capilote, capuchón, maya, manteguera…] ye la flor emblema de los montes asturllioneses. Florez pel Cordal Cantábricu n’acabando l’iviernu y cuenta con una subespecie autóctona, el «narcissus asturiensis» 🌼

Sigue leyendo «El narcisu ye la flor emblema de los montes asturllioneses.»