El retu del Ayuntamientu y la Cofradía ye algamar el reconocimientu internacional.
El Desarme brindó con 400 botelles de sidra pola so distinción recién como Fiesta d’Interés Turísticu Nacional. L’Ayuntamientu d’Uviéu y la Cofradía del Desarme marcáronse agora’l retu de trabayar por algamar el reconocimientu internacional.
Les cocines de los 75 restauranes que participaron nes xornaes gastronómiques nun dieron abastu pa servir el típicu menú a base de garbanzos con bacaláu, callos y arroz con lleche. Un auténticu manxar pa los paladares que lu pudieron prebar.
Munchos negocios tuvieron qu’aumentar turnos de comida pa facer frente a les reserves. Reconocen el tirón d’un Desarme cada vegada más popular.
Hasta’l 26 d’ochobre viniente, esperen servir más de 80.000 menús.
