La rula de Xixón puyó en 2025 la metá del pescáu vendíu n’Asturies.
El cai xixonés adelanta que se van executar «importantes inversiones» que van dexar «siguir avanzando nesta llinia». El Musel celebró esti vienres que la Rula de Xixón rexistró «datos históricos» de volume de pexe puyáu en 2025, yá que de les 24.782 tonelaes rexistraes nes rules asturianes el pasáu añu, pela de Xixón pasaron 12.257, cuasi’l 49,5% del total.
Al traviés d’un comunicáu, l’Autoridá Portuaria remarcó qu’esti datu fai del cai xixonés el puertu asturianu nel que más pescáu se desembarcó l’añu pasáu. Dende 2022, exerciciu nel que puyó’l 33,3 por cientu del total, la crecedera «foi medrando», llegando al 38,1% en 2023 y al 45,4% en 2024, hasta algamar el 49,46% de 2025.
.jpg)
.jpg)
