- Fonte: Actualidá Asturies /
Cultura celebra’l Día del Llibru coles rosques de San Xurde y más de 150 actividaes na rede de biblioteques públiques. El lema trillingüe del cartelu anguaño ye: Una cultura para la paz Una cultura pa la paz / Úa cultura prá paz. Aumenten los vezos llectores y l’usu de les biblioteques como espacios d’accesu llibre a la conocencia, la creatividá y l’alcuentru.
La Conseyería de Cultura, Política Llingüística y Deporte pon en marcha anguaño la celebración de San Xurde coincidiendo col Día del Llibru 2025. Esta iniciativa, impulsada en collaboración colos gremios y comerciantes del Principáu, consiste en regalar llibros y rosques creaes para la ocasión poles confiteríes y panaderíes asturianes. D’esta miente, búscase realzar la figura de San Xurde, patrón de dellos conceyos y protagonista de lleendes locales como la del cuélebre de Zalón (Ayande), para convertilo n’iconu de la fiesta asturiana del llibru.
La iniciativa, frutu de la collaboración ente los sectores editorial, panaderu, confiteru, apícola y comercial, propón celebrar esta xornada con un xestu doble: mercar un llibru y xuna rosca de San Xurde, ellaborá artesanalmente en dos versiones —salada y dulce— por panaderíes y confiteríes. Esti productu, que va tar disponible en tamañu individual, foi ellaboráu con ingredientes calidable como’l miel d’Asturies IGP.
Cultura quier crear un venceyu ente’l llibru y la tradición pa facilitar la participación ciudadana en redol a una fecha simbólica na que’l llibru conviértese na exa vertebradora d’una programación que refuerza la función de les biblioteques como espacios vivos, creativos y participativos. La rede pública va acoyer más de 150 actividaes en diversos conceyos con motivu del Día del Llibru.
La programación de les biblioteques municipales inclúi cuentacuentos, presentaciones, talleres creativos, llectures dramatizaes, rutes lliteraries, visites escolares, esposiciones y concursos, dirixíos a públicos de toles edaes. Amás, van desenvolvese actividaes como intercambios de llibros o regalos de marcapáxines. El programa completu de los distintos conceyos puede consultase na web oficial: @www.biblioasturias.com
Andrés González-Blanco, protagonista na Biblioteca d’Asturies
Unu d’actos destacaos d’esta edición ye la esposición Andrés González-Blanco, un raru injustamente escaecíu, que s’inaugura mañana, a les 13:00 hores, na Biblioteca d’Asturies Ramón Pérez d’Ayala. L’amuesa rescata la figura d’esti escritor y críticu lliterariu asturianu, que la so contribución a les lletres foi notable, pero escasamente reconocida. La esposición va tar abierta al públicu na sala principal de les instalaciones allugaes na plaza Daoiz y Velarde d’Uviéu.
Aumentu de los préstamos físicos en 2024. La puxanza de l’actividá cultural vien acompañada por una noticia bien positiva: en 2024, los préstamos físicos nes biblioteques asturianes aumentaron hasta algamar los 970.959, frente a los 900.179 rexistraos en 2023. Esta cifra consolida la crecedera del vezu llector y l’usu de les biblioteques como espacios d’accesu llibre a la conocencia, la creatividá y l’alcuentru.
Una cultura pa la paz. Sol lema institucional Una cultura para la paz / Una cultura pa la paz / Úa cultura prá paz, el cartelu oficial editáu pola Conseyería de Cultura nes llingües propies d’Asturies refuerza la vocación inclusivo y pacificador de les biblioteques, qu’anguaño vuelven ser punta de llanza na promoción de valores culturales, llingüísticos y sociales en tol territoriu asturianu.
Llistáu de comercios onde adquirir la rosca de San Xurde. Nesta primer edición de San Xurde, sumáronse dellos comercios a la ellaboración de les rosques duce y saláu diseñaes pa la ocasión, que pueden adquirise en:
| Nombre del comercio | Dirección | Localidad |
| Carajitos del Profesor | Avda. de Galicia, 21 bajo | Salas |
| Colón | Plaza del Ayuntamiento, 20 | Villaviciosa |
| Rialto | C/ San Francisco, 12 | Oviedo/Uviéu |
| Rialto | C/ Bermúdez de Castro, 2 | Oviedo/Uviéu |
| Auseva | Avenida Galicia, 11 | Oviedo/Uviéu |
| Auseva | C/ Silla del Rey, 2 | Oviedo/Uviéu |
| Balbona Pasteleros | C/ Cabrales, 90 | Gijón/Xixón |
| Balbona Pasteleros | C/ Asturias, 14 bajo | Gijón/Xixón |
| Panadería La Vienesa | C/ Corporaciones de Lena, 17 | La Pola (Lena) |
| Panadería La Vienesa | C/ Rafael del Riego | Turón |
| Panadería La Vienesa | Polígono Fábrica de Mieres, parcela 1 | Mieres del Camín |
| El Bollu | Avenida Valentín Masip, 30 | Oviedo/Uviéu |
| El Bollu | C/ José María M. Cachero, 1 | Oviedo/Uviéu |
| El Calderu | C/ Fernando Alonso Díaz, 26 | Oviedo/Uviéu |
| El Calderu | C/ Ricardo Montes, 23 | Oviedo/Uviéu |
| El Calderu | C/ Arroyo Vaqueros, 11 | Oviedo/Uviéu |
| El Calderu | Plaza Gabino Díaz Merchán | Oviedo/Uviéu |
| El Calderu | C/ Arquitecto Tioda, 2 | Oviedo/Uviéu |
| La Tahona de Enrique | C/ San Antonio, 23 | Llastres |
| Alvapan | C/ El fontanín, s/n | Llastres |
| Panadería Casero | C/ Argañosa, 78 | Oviedo/Uviéu |
| Panadería Casero | C/ San Lázaro, 8 | Oviedo/Uviéu |
| Panadería La Portalina | C/ Agua, 13 | Villaviciosa |
