POP PIQUIÑÍN, una escoyeta de les canciones n’asturianu de Petit Pop, con ilustraciones de @pedro.balmaseda 
El PRÓXIMU 3 d’avientu en toles llibreríes.#lafabriquina #poppiquiñín #petitpop #musicainfantilnasturianuEl 3 d’avientu va tar a la venta la nueva creación de la editorial La Fabriquina: Pop Piquiñín. Una escoyeta de les canciones n’asturianu de Petit Pop. Trátase d’un cancioneru ilustráu por Pedro Balmaseda qu’inclúi un CD coles canciones más populares de la banda y tamién los sos últimos singles, traducíos por primer vez al asturianu pa esta cuidada edición que va presentase al públicu’l 27 d’avientu en Xixón.
«¿Quién nun quedría que-y contaren la so vida como si fora una canción? Pues xusto eso ye lo que fai Pop Piquiñín, alter ego de la popular banda Petit Pop cola que lleven editaos dende hai quince años tolos sos discos traducíos al asturianu. Narrar, como una crónica musical, con tenrura y abondu sentíu del humor, la infancia y esi tiempu dalgo alloriáu que se vive nes cases cuando llega un miembro nuevu a la familia», despliquen dende La Fabriquina.
D’esa rellumante discografía de seis discos n’asturianu–Pop Piquiñín, Cantares pal coche, Surf na bañera, Andamos en bici, Nun mos gusten los llunes, Que nun te tarreza la naturaleza– sal agora esti llibru-discu compuestu por una escoyeta de diez cantares -ente los qu’hai dellos inéditos n’asturianu– onde les lletres acompañénse coles ilustraciones del dibuxante Pedro Balmaseda, diseñador de cabecera de la banda, y tamién por anécdotes y curiosidaes sobre cada canción contaes pol propiu grupu.
Presentación en Xixón
Pop Piquiñín. Una escoyeta de les canciones n’asturianu de Petit Pop va presentase’l domingu 27 d’avientu, a les 12h, nel patiu del Centru de Cultura Antiguu Institutu de Xixón, dientro del ciclu Escenines, entamáu por Reciella, families pol asturianu.
Con esti nuevu llibru-discu, d’edición cuidada y tapa duro, la editorial La Fabriquina sigue enanchando la so nomada colección de música infantil n’asturianu, compuesta por títulos como Kikirikikí, canciones pa neñes y neños d’Alicia Álvarez o Canciones pa la Xentiquina. Una selección sentimental de Nacho Fonseca, disponibles nel so catálogu.
