TPA emite güei, miércoles 25 de payares a les 23:30 hores, el segundu capítulu del documental que percuerre la hestoria de la lliteratura asturiana fecha por muyeres a lo llargo de la hestoria.
Nesti segundu capítulu d’Elles, muyeres na lliteratura asturiana, Sonia Avellaneda percuerre’l sieglu XX, hasta l’apaición del Surdimientu y el cambéu de paradigma que supon nos años setenta. Setenta años nos que tenemos una amuesa enforma mayor d’autores que vivieron momentos bien estremaos, l’empiezu de sieglu, los movíu años trenta, la Guerra, l’esiliu, la dictadura franquista. Una apasionante hestoria na que conocemos a muyeres como María Balbín, Tuxa Villaverde, Elvira Bravo, Ánxeles López Pindia, María Xosefa Canellada, Eva González, Floria Alíes, Nené Losada Rico o María Elvira Castañón. Muyeres que fueron exemplu de llucha y superviviencia en momentos difíciles, según trasmisoras del idioma y la cultura d’Asturies.
Sigue leyendo «TPA: segundu capítulu de «ELLES, muyeres na lliteratura asturiana»» →
El Gobiernu del Principáu celebra que les obres escrites en llingua asturiana puedan optar a los Premios Nacionales de Lliteratura a partir del 2026. Esta decisión, anunciada güei nel Congresu de los Diputaos pol ministru de Cultura, Ernest Urtasun, supón un fitu históricu que reconoz esplícitamente’l valor creativu y cultural del asturianu dientro de la pluralidá llingüística del Estáu. Actualidá /
