En 1957, mientres reparaba a unos neños, un mozu barcelonés diose cuenta de que los carambelos nun taben pensaos para ellos, asina que se-y asocedió una idea: pone-yos un palu. Nacía Chupa Chups. Imaxe
- Chupa Chups: wiki /
Enric Bernat nun yera nuevu nel mundu de la confitería, pero vía que’l negociu nun acababa de desapegar, ente otres coses, pola incomodidá que sufríen los neños cuando comíen carambelos, una y bones estos nun taben preparaos pa ellos, a pesar de ser unu de los sos consumidores.
Asina que, cuando se-y asocedió la idea d’usar un palu, revolucionó por completu’l mercáu. El primer nome que-y dio foi GOL, por cuenta de la so forma de balón, pero nun tuvo muncha aceptación, hasta que-y camudó’l nome por Chups, qu’acabaría derivando en «Chupa Chups».
Convertiose nun ésitu inmediatu, yá que yera percibíu polos padres como un productu calidable y cómodu de consumir. La so fama yera tal que, en 1960, llegaron a vendese 4.500 kg nun día, que yeren distribuyíos per España por aciu una rede propia de pequeño Seat 600 retulaos.
Pero en 1969 Bernat quixo internacionalizar la marca y pallo precisaba crear un logo únicu ya irrepetible. Pa llograr un diseñu esclusivu, contrató al llexendariu Salvador Dalí por que creara el so nuevu logotipu. Nuna hora fixo un diseñu que marcaría a delles xeneraciones.
D’España pasó a Francia onde, en 1970, vendíense yá más de 160 millones d’unidaes al añu, dempués llegó a Inglaterra, Alemaña y Estaos Xuníos. En 1970 el 90 % de la producción de Chupa Chups vendíase n’España. Diez años más tarde, el 93 % yá se vendía fora del país.
Convirtiose nun productu tan popular qu’inclusive cosmonautes rusos llevaronlu, en 1995, a la estación espacial Mir, convirtiéndose asina nel primer carambelu consumíu nel espaciu.
Cuando Chupa Chups s’introduxo en China, Enric Bernat llegó a dicir: «Siempres vimos a los chinos utilizar paliyos pa comer. Agora yo quiero enseña-yos a comer carambelos con paliyos».
Los Chupa Chups son un iconu del sieglu XX, por ello El muséu d’Arte Moderno (MoMA) de Nueva York incluyo-lu nuna esposición llamada “Obres Maestres Industriales” al pie de otros senciellos inventos que camudaron la vida de les persones como’l clip o’l post-it.
Fábrica de Villamayor (Asturies)
