España, oru na rutina técnica nel Européu de ‘sincro’. L’equipu de natación artística sumó la primer medaya para la delegación española nos Europeos qu’empezaron esti llunes en Belgrado al colgar l’oru na final de la rutina técnica con una nota de 278,4684 puntos. El conxuntu español executó l’exerciciu al ritmu del ‘Mambo’ de West Side Story.
El Campeonatu d’Europa de Deportes Acuáticos celébrase del 10 al 23 de xunu en Belgrado, Serbia, y va sirvir como escenariu perfectu para afinar detalles de cara a los Xuegos Olímpicos de París 2024.
La edición d’anguaño inclúi competiciones de natación, natación artística, natación n’agües abiertes y clavaos, cuatro deportes del programa olímpicu nos que, a falta de mes y mediu pa la gran cita, España va tratar de tomase’l pulsu.
