LNE / Luis Laria, director del Parque de la Vida de Valdés: «En mayu vamos tener la mayor esposición d’Europa de la última etapa del Carboníferu, con 60 tonelaes de fósiles de 300 millones d’años». La estefaniense
Luis Laria ye toa una institución en Valdés y nel mundu del caltenimientu marín n’España. La primer piedra púsola en 1966 cola fundación de la Coordinadora para l’Estudiu de les Especies Marines (Cepesma). A ello siguiéron-y l’Aula del Mar, el Centru de Recuperación d’Especies Marines, la Rede de Varamientos de Mamíferos Marinos, la Sociedá Española de Cetáceos…
Hasta que n’agostu de 2010, Laria cumplió un suañu: convertir L.luarca na capital mundial del calamar xigante y crear un muséu únicu nel planeta dedicáu a estos cefalópodos. Sicasí, ese suaño duró pocu, pos una envernada de mar #afarar tou en 2014.
Güei Laria ta entornáu na divulgación científica al traviés del so proyectu del Parque de la Vida. Un área de divulgación científica que tien 52.000 metros cuadraos y que ta dedicáu a esplicar qué ye la vida. Hai que ser bien atrevíu para faer eso, pero inténtalo al traviés de 14 esposiciones interiores y otros seis esteriores. Falar del Parque de la Vida ye falar del planeta Tierra. Tomamos la xeoloxía, la bioloxía, la fauna botánica, la investigación espacial, l’antropoloxía, la paleontoloxía…
-¿Cuántes visites reciben a lo llargo del añu?
Alredor de 45.000- 47.000. Anguaño probablemente recibamos más de 6.500 visites solo de centros educativos. Tamos colapsaos. Tolos díes tenemos colexos ya institutos. Y eso para mi ye bien interesante: poder faer divulgación al traviés de la conocencia y la sensibilización yá dende les etapes primixenies.
-Tán preparando la esposición más grande del Parque de la Vida. ¿En qué va consistir?
-En mayu vamos tener la mayor esposición d’Europa de la última etapa del Carboníferu: la estefaniense. Fiximos una mina, con ayuda de mineros profesionales de Tinéu, y tenemos tamién un llaboratoriu, un taller y una zona d’esposiciones con 60 tonelaes de fósiles con 300 millones d’años d’antigüedá.
-¿Por qué’l Cepesma dio un pasu tras na recoyida d’animales, dempués de 18 años de trayectoria?
-Nos terrenes que güei conformen el Parque de la Vida creemos un centru de recuperación d’especies marines y monteses. Equí hubo años de recuperar cinco o seis foques, fuimos iniciadores de la recuperación d’animales, porque entós nun esistía nengún centru de recuperación. Dempués, el Principáu fixo’l centru de Sobrescobiu y a partir d’ende creyí que yera necesariu que’l gobiernu asumiera esi llabor. Nós puntualmente ayudamos y ficímoslo con aquelles especies nes que’l Principáu tien menos interés.
-¿Cuál foi l’animal más estrañu que rescataron?
Lo más estraordinario en toa esa etapa del Cepesma foi tener una rede de varamientos nel Principáu d’Asturies, daqué realmente espectacular que nun dio información, investigación, reconocencia y sensibilidá. Actuábamos cuando varaba un delfín, una foca, una ballena, un cachalote, lo que fuera. Tuvi la suerte, a lo llargo d’estos casi 20 años, de faer más de 1.500 necropsias y eso redundó en conocencia a nivel internacional.
-El pasáu mes de xineru atoparon nuna sablera de L.luarca un tiburón foca, una especie que vive a 3.500 metros de fondura. ¿Cómo pudo llegar hasta la mariña asturiana?
-Hasta los años 90, esti tiburón foi pescáu asiduamente en munches árees xeográfiques del Cantábricu y del Atlánticu, pero solo interesaba’l fégadu. Lo interesao d’esti exemplar ye la so anatomía, que ye tremendamente singular y, sicasí, pasó dafechu desapercibida. Treslladarenla al Parque de la Vida y, nel momentu d’abrila, dímonos cuenta que taba en fase de reproducción. Tenía 25 o 27 güevos col embrión inda bien poco formáu, pero esos güevos yá teníen el tamañu de pelotes de tenis. Esti tiburón vive a fondures increíbles, de 3.200- 3.500 metros. Nun ye un tiburón convencional. Ta posáu no fondero marín la mayor parte del so tiempu. Y a’l tar posáu, tien l’abdome planu. Para prindar a les sos preses, da un impulsu, nada, atrapalos y vuelve posase. Ye espectacular, fascinante.
-¿Cuálos son los efectos del cambéu climáticu na nuesa mariña?
Uno d’ellos ye’l pulpu. Sí, el pulpu n’Asturies, en Galicia y na Cornisa Cantábrica siempres foi un curiosu interesante y poblacionalmente abondosu. Agora, sicasí, ta teniendo una franca recesión. ¿Qué ta asocediendo? Al pulpu nun-y gusta xuna temperatura cimero nun grau y picu a la qu’había fai 10 o 12 años. Posiblemente, entós ta teniendo traslaciones más al norte para buscar temperatures más aparentes.
Y la resultancia ye que la mariña inglesa ya irlandesa, na zona sur, tien agora una inxente cantidá de pulpu, lo que nun tuvieron nunca. El riesgu que corremos ye que’l pulpu pueda asitiase definitivamente neses zones y menguar poblacionalmente nes nueses. Tenemos que danos cuenta de que nun podemos esplotar un recursu que, amás de tar esplotáu de forma bien abusiva, tien alteraciones climátiques, les corrientes marines oceániques y los factores contaminantes.
-Nos últimos branos, les sableres asturianes enllenáronse de carabeles portugueses… Anguaño va pasar lo mesmo?
La carabela portuguesa nun yera característica, salvo esceiciones, de la mariña cantábrica. Tenía una presencia esporádica, porque son atlántiques y de zones más templaes. Sicasí, agora ta aumentando. Vamos tener que dir acostumándonos a elles.
Cola carabela portuguesa hai que tener muncho cuidu, porque los nematocistos, esos arpones que tienen nos tentáculos, pueden xenerar problemes serios nel ser humanu. La suerte de la carabela portuguesa ye que siempres nos avisa, siempres nos diz “toi equí”. Vese fácilmente nel mar. Los sos tentáculos pueden tar a ocho o diez metros de llargor del globu que vemos y son como llátigos. Poro, nunca averemos a elles.
¿Cómo ve l’estáu actual del Muséu del Calamar Xigante?
¿Por qué ye únicu nel mundu’l Muséu del Calamar Xigante de L.luarca?
Dempués d’aquella envernada inmensa qu’estrozó’l Muséu, tolos exemplares de calamar xigante llevose al Parque de la Vida. Ufiertaron bien de dineru para treslladar esta colección fora d’España, pero creyí que de nenguna manera esto podíase vender. Creo que ye una seña identitaria d’Asturies y nesti casu de L.luarca. Nació equí y equí tendría que siguir esistiendo.
Asina que-y dixi al Conceyu que quería donar la colección en casu de que se fixera un muséu en L.luarca. Fíxose una pequena esposición no qu’antes yera la discoteca Villa Blanca y ende tán los calamares. Sí que me gustaría que tuvieren un espaciu más dignu, más ampliu… Pero siquier nun se colaron de L.luarca. Yo solicité al Conceyu que de nenguna manera apaeciera’l nome del Cepesma nin de Luis Laria na esposición, porque ye de tolos valdesanos y pa tolos asturianos. Agora’l mio estímulu ye ver a les persones felices.
El Parque de la Vida ye l’únicu muséu que conozo de divulgación científica nel ámbitu de les ciencies naturales que tien un especial énfasis a la salú emocional y menta de los neños. N’España unu de cada cuatro adolescentes s’autolesiona y unu de cada siete entra en fases distintes de depresión. Esto hai que solucionalo. Yo toi dispuestu a faer una asociación pa la xestión de mieos y solicitaría al Ministeriu d’Educación y a les comunidaes autónomes qu’incorporaren de forma urxente nos centros educativos una asignatura de salú mental.
