El Día Internacional de les Families celebra’l 15 de mayu dende 1994, para crear conciencia sobro’l papel fundamental de les families na educación de los fíos dende la primer infancia, y les oportunidaes d’aprendizaxe permanente qu’esisten pa los neños y les neñes y los mozos.
- Info Ministeriu /Cartel Castellano
- Guía de ayudas y servicios para familias 2024
- https://familiasenpositivo.org/ , en collaboración cola Federación Española de Conceyos y Provincies (FEMP), dedicáu a la promoción de la parentalidad positiva: materiales y recursos en relación cola crianza, curiáu y educación de neñes, neños y adolescentes
Esta fecha foi proclamada en 1993 pola Asamblea Xeneral de les Naciones Xuníes (A/RES/47/237) faciéndose ecu de la importancia que la comunidá internacional otorga a les families. Ye una ocasión aparente para promover la concienciación y una meyor conocencia de los procesos sociales, económicos y demográficos qu’afecten a esti importante núcleu de la sociedá.
Para l’añu 2024 Naciones Xuníes propunxo’l lema: Families y Cambéu Climáticu, coles mires de crear conciencia sobro cómo’l cambéu climáticu afecta a les families y el papel que les families pueden desempeñar na acción climática.
A pesar de que’l conceutu de familia tresformóse nes últimes décades, evolucionando d’alcuerdu a los enclinos mundiales y los cambeos demográficos, les Naciones Xuníes consideren que la familia constitúi la unidá básica de la sociedá.
Nesti contestu, el Día Internacional de les Families danos la oportunidá de reconocer, identificar y analizar cuestiones sociales, económiques y demográfiques qu’afecten al so desenvolvimientu y evolución. Por esti motivu, pa celebrar esti día entamen actividaes, baltes como talleres, conferencies, programes de radiu y televisión, ente otros, coles mires de fomentar y favorecer el caltenimientu y la meyora de la unidá familiar.
Esti 2024 celébrase’l 30º aniversariu del Añu Internacional de la Familia. Nel actu de conmemoración presentaránse los resultancies de les principales actividaes rexonales preparatories, les iniciatives de la sociedá civil, encamientos sobro polítiques familiares pa l’acción climática y un alderique interactivu. Amás, van presentase dos publicaciones titulaes «El cambéu climáticu y les families» y «Llar, familia y cambéu climáticu».
