- El Tiempu n’Asturies.
- Semeya d’un robezu que mos l’apurre’l nuesu collaciu Pachu Armesto Hevia.
- Alborecemos col cielu poco nuboso o escampláu con unes temperatures que tan alrodiu de los 11ºC, rexistrándose nel puirtu Payares 6,9ºC.
- Güei tendremos escasa nubosidá nel cielu con dalgo de nordés que fadrá que nun suban les temperatures másimes tantu como ayeri, asina y too l’ambiente sedrá mui afayaizu.
- Mañana domingu vamos seguir esfrutando del sol y amás les temperatures másimes vuelven a subir un puquiñín por mor del aire que sedrá sele ya variable con predominiu de la componente sur.
- El llunes ya martes aumentará la nubosidá media-alta ya tendremos l’efeutu foehn al pasu del aire ábrigu pela cordelera faciendo que suban dalgao más les temperatures másimes pero n’esti casu tamién les mínimes pa dexanos inclusu un ambiente chornosu ya calurosu.
- La selmana viniente seguirá siendo mui estable inclusu nel fin de selmana onde predominará’l cielu poco nuboso o escampláu, sicasí de cara al domingu entama a lleganos vientu nordés fríu y empezarán a baxar les temperatures, pero esto yá lu diremos viendo.
