- Alborecemos col cielu cubiertu por nubosidá media con unes temperatures que tan alrodiu de los 12ºC, rexistrándose nel puirtu Payares 8,2ºC.
- Güei a pesar de les nubes vamos tener un día seliquino, nun sedrá hasta l’oscurecer cuando tengamos precipitaciones na fastera más ocidental d’Asturies cola llegada de la parte activa d’un frente atlánticu que barrerá a Asturies d’oeste a este. El gruesu de les precipitaciones s’espera alrodiu de les 22:00h y puen tener calter moderáu, les que puean cayer antes sedrán febles y disperses. Les temperatures anicien un descensu col pasu’l frente y l’aire sedrá sele ya variable.
- El sábadu alboreceremos con abondosa nubosidá baxa o estratificada con tendencia a dixebrase nes hores centrales del día cuando s’epera l’apertura de claros ya abancios. Les temperatures siguen baxando un poquiñín más y l’aire seguirá siendo sele ya variable.
- El domingu a pesar de tar envueltos ente les altes presiones la so posición va facer que mos empobinen un chorru húmedu dende l’Atlánticu que mos dexará precipitaciones durante prauticamente tol día que puen tener calter moderáu a primera hora de la tarde. Les temperatures mínimes ascenderán dalgo por mor de les nubes, mentantu les másimes baxarán tamién dalgo por mor de la lluvia. L’aire predominante esti día sedrá’l gallegu pero seguirá siendo seliquino.
- A últimes hores del martes paez que mos pue entrar una masa d’aire fríu empobinada pol vientu nordés de carauter contineltal, nun sedrá gran cosa pero valdrá pa que tengamos un descensu bultable de les temperatures y pola so procedencia más bien sedrá seca, polo que nun s’eperen malpenes precipitaciones, pero esto yá lu diremos viendo.
