La OSPA presenta en Xixón y Uviéu’l segundu conciertu «Arquitectura fecha música» 

• Les entraes pueden sacase nes taquilles del Teatru Xovellanos de Xixón y l’Auditoriu Príncipe Felipe d’Uviéu
• El director va ufiertar un alcuentru col públicu n’Uviéu primero del conciertu del día 29 de payares
• La Orquesta Sinfónica del Principáu d’Asturies (OSPA) va ufiertar esta selmana al públicu’l so segundu conciertu d’abonu de la temporada 2024-2025 col programa Arquitectura fecha música.
• Les sesiones van ser el 28 de payares nel Teatru Xovellanos de Xixón y el 29 de payares nel Auditoriu Príncipe Felipe d’Uviéu, a les 20 hores nos dos casos.
• El conciertu va tar dirixíu pol director titular y artísticu de la OSPA, Nuno Coelho, y va cuntar cola participación destacada de la mezzo sopranu Anke Vondung.
• El programa va empezar con una escoyeta de lieder de Franz Schubert, orquestaos por compositores como Benjamin Britten y Max Reger, ufiertando una visión renovada d’estes pieces concebíes de mano pa voz y pianu.
• La segunda parte va tar dedicada a Anton Bruckner, nel marcu del 200 aniversariu de la so nacencia, cola interpretación d’una obra conocida como una catedral sonora pola so arquitectura musical complexa y maxestosa.

Primero del conciertu d’Uviéu, el director Nuno Coelho va tener un alcuentru col públicu na Sala de Cámara del Auditoriu Príncipe Felipe, el 29 de payares a les 19.15 hores.

Pa sacar les entraes, la venta ta habilitada na web de la OSPA y na taquilla del Auditoriu Príncipe Felipe, n’Uviéu, de 09.30 a 14.00 h y el día del conciertu, de 17.00 a 20.00 hores. Los precios nel patiu son de 24 € y nel anfiteatru, de 21 €. Nel casu de la taquilla del Teatru Xovellanos de Xixón, l’horariu de taquilla ye de 12.00 a 14.00 hores y de 17.30 a 20.30 hores con precios de 19 a 24 euros.