Autora y testu: ANA ALVAREZ ENGUIX @artsturyana
Nuesa portada de güei ta dedicada al osu pardu coincidiendo col momentu nel qu’espierta de la envernía y sale de la so cueva en busca de comida.
Anque nun fai tantu tiempu, ver un osu pardu cantábricu nos nuesos montes yera casi imposible.
Nos años 90 quedaben menos de 70 en toa España, y la so desapaición paecía inevitable.
Pero, adulces, la hestoria camudó. Gracies al esfuerzu de munches persones, a la protección de la so redolada y a la llucha contra la caza furtiva, l’osu foi recuperando terrenal.
Güei yá superen los 400 exemplares ente’l Cordal Cantábricu y los Pirineos.
Aun así, nun lo tienen fácil. Les infraestructures, les quemes, el turismu o la perda d’hábitat siguen siendo retos importantes.
A la fin, compartimos espaciu, y eso dacuando xenera conflictos porque toos precisamos recursos.
La hestoria del osu pardu n’España recuérdanos que curiar la redolada funciona, y que les segundes oportunidaes esisten. Protexer al osu nun ye solo salvar una especie, ye tamién caltener tou lo que representa: l’equilibriu natural, los nuesos paisaxes y el futuru que compartimos.
Ana Álvarez Enguix, #ilustradorasasturianas autora y ilustradora d’esta publicación, ye graduada en Maxisteriu y anguaño prepara’l so doctoráu n’educación billingüe. La so formación como ilustradora ye autodidacta, y atopa la so inspiración na naturaleza y nos paisaxes asturianos.
