- AsturianWriters / asturianwriters@gmail.com / asturian_writers
- Presentación de @asturian_writers: sábadu 21/12 a les 13,00h Llibrería @lallocura de #mieres.
Llectores d’equí o d’otres tierres, editores, programadores, traductores, correctores, xente del mundu, adentráivos na lliteratura d’Asturies: de xuru que nun vais marchar d’equí indiferentes.
El proxectu Asturian Writers naz de la necesidá urxente que tien la lliteratura fecha n’Asturies d’espandese pel mundu. Depués de sieglos viéndose arrequexaes nun territoriu montañosu y marín a la par, les llingües propies d’Asturies, l’asturianu y el gallegu, tienen agora por fin la oportunidá de ser conocíes fuera de les fronteres físiques o mentales que les vieron nacer y desenvolvese.
Ye por esto polo qu’Asturian Writers s’asitia agora como una plataforma d’encuentru y d’apoyu a toes aquelles iniciatives lliteraries contemporánees neses variedaes llingüístiques y anúnciase como un espaciu llibre, sin prexuicios y con vocación de futuru.
Les lletres asturianes, tan variaes y riques, amuéstrense nesti portal na so plenitú adulta y cola vista puesta na visibilización y promoción de la lliteratura propia. Asturian Writers va tar siempre abiertu a la universalidá.
L’eventu va celebrase na Llibrería @lallocura de Mieres
(@mierescultura @mieresfeminismo @mieresturismo @culturamieres)
esti próximu sábadu 21 d’avientu a les 13,00h y
@m.r.monteavaro y @anibalismos
van facer un brinde pol pasáu, el presente
y el futuru de les lletres asturianes.
