Una musicóloga, Sakira Ventura, creó un mapa de muyeres compositores de música clásica de tol mundu. Yá tien 500 y, esti mes, alumnos d’Historia de la Música de la Universidá d’Uviéu contribuirán a ampliar la web. Amás d’emponderar el trabayu de les compositores, el mapa dexa sentir la so música. https://svmusicology.com/
Facemos ‘zoom’ n’Asturies pa descubrir a María Teresa Prieto. Ye namás una de les 500 compositores nesta web. Creadores de música clásica de tolos tiempos que puen buscase al traviés de la ubicación, pero tamién del nome o fecha; pa romper vieyos estereotipos y contribuyir a equilibrar una delda histórica.
Sakira Ventura, que punxo en marcha la web nel confinamientu, collabora esti añu con una asignatura del grau d’Historia de la Música de la Universidá d’Uviéu y los sos estudiantes contribuirán a rellenar entá más el mapa.
Ella también siguirá actualizándolu y avanza que yá hai más compositores asturianes en cartera, dalguna d’elles, actual. El cursu qu’entra collaborará cola Universidá d’Uviéu nun proyectu d’anovación docente sobre la discriminación de xéneru nel consumu y espardimientu de la música.
