- Centros Sociales Oviedo
- Fonte: UN /
Esti día foi declaráu en 1992 pola Asamblea Xeneral de les Naciones Xuníes por aciu el resolvimientu 47/3. L’oxetivu ye promover los derechos y el bienestar de les persones con discapacidáes en tolos ámbitos de la sociedá y el desenvolvimientu, según concenciar sobro la so situación en tolos aspeutos de la vida política, social, económica y cultural.
Tomando como base munchos años de trabayu de les Naciones Xuníes na área de les discapacidáes, la Convención sobro los Derechos de les Persones con Discapacidá, aprobada en 2006, avanzó entá más los derechos y el bienestar d’estes persones na Axenda 2030 pal Desenvolvimientu Sostenible y otros marcos de desenvolvimientu internacionales, como’l Marcu de Sendái pal Amenorgamientu del Riesgu de Desastres, la Carta sobro la Inclusión de les Persones con Discapacidá na Acción Humanitaria, la Nueva Axenda Urbana, y l’Axenda d’Acción d’Addis Abeba sobro’l Financiamientu pal Desenvolvimientu.
Güei, 3 d’avientu, ye’l Día Internacional de les Persones con Discapacidá, que se celebra coles mires de visibilizar la so situación, promover los sos derechos y el so bienestar. La Corporación municipal, encabezada pol Alcalde, Alfredo Canteli, fixo un recesu nel Plenu ordinariu para xunise, na plaza del Conceyu, a la ?????? ????????? y a la campaña de sensibilización entamada sol lema «Nun m’etiquetes. Tomate’l to tiempu para conoceme».
