- Abraham Cupeiro: Facebook / abrahamcupeiro.com/ Fotos
- COPE / LNE / Crítica LNE /
Mundu primixeniu. El ser humanu mira al cielu y a la naturaleza, la so mente recrea’l cosmos y arrama les sos moliciones en narraciones arcaiques, les sos manos constrúin preseos ancestrales, vehículos que conecten el mundu cola so imaxinación y que son güei para nós banda sonora de lleendes escaecíes.
Mitoloxíes árabes, céltiques, romanes o griegues son los puntos de partida colos qu’Abraham Cupeiro tresllada al espectador de MYTHOS a mundos y ciudaes perdíes nel tiempu, como la enigmática Atlantis. Recuperando los preseos que los nuesos antepasaos tocaben nos teatros griegos, los circos romanos o les cueves perdíes nes llendes del mundu, ufiértanos un viaxe musical al traviés de les hestories creaes dende tiempos inmemoriales para atopar una lóxica al orixe del universu.
Abraham Cupeiro y los sos preseos ancestrales van abrinos les puertes del pasáu y van emponenos nun viaxe al traviés de civilizaciones pretéritas hasta’l momentu nel que’l ser humanu llevantó per primer vegada la vista hasta l’infinitu.
Cupeiro, trompetista y constructor de preseos gallegu, presenta n’Uviéu «Mythos», el so últimu discu al pie de la orquesta carbayona, cola que trabayó dende los sos entamos. La so música, que sale de dalgunos de los 50 preseos qu’ellaboró él mesmu, ye’l filo conductor de la mitoloxía, tema principal del so trabayu. Lleendes griegues, romanes y perses coles que l’artista va faer triplete escolar estos día…
