El 30 d’abril celebra’l Día Internacional del Jazz. «Esta xornada tien como oxetivu sensibilizar al públicu xeneral sobro les virtúes de la música jazz como ferramienta educativo y como motor pa la paz, la unidá, el diálogu y el refuerzu de la cooperación ente pueblos». –UNESCO.
Plan pa la fin de selmana: lleer, baillar, escuchar música…
La UNESCO, xuntu con Herbie Hancock, pianista de jazz y Embaxador de la UNESCO para’l Diálogu Intercultural, lideren esta iniciativa. El Herbie Hancock Institute of Jazz ye l’encargáu de planiar, promover y producir esta celebración añal.
Como dixo la gran Nina Simone, “el jazz nun ye solo música; ye una forma de vida, una forma de ser, una forma de pensar”. La hestoria del jazz enmarcase nos esfuerzos en pos de la dignidá humana, la democracia y los derechos civiles. Los sos ritmos y la so diversidá reforzaron la llucha contra toles formes de discriminación y de racismu.
- El jazz ruempe barreres y crea oportunidaes para la comprensión mutua y la tolerancia
- El jazz ye una forma de llibertá d’espresión, y simboliza la unidá y la paz
- El jazz amenorga les tensiones ente los individuos, los grupos y les comunidaes
- El jazz promueve la innovación artística, la improvisación y l’integración de músiques tradicionales nes formes musicales modernes
- El jazz aguiya’l diálogu intercultural y facilita la integración de mozos marxinaos.
