- Fonte: RTPA trailer castellán / Filmaffinity /
L’asturianu Abraham López ye’l director d’animación de la cinta
Llega a los cines ‘Dragonkeeper. Guardiana de Dragones’, una coproducción china y española. Trata la historia de Ping, una neña qu’ayuda al últimu dragón a escapar del so encarcelamientu y recuperar l’últimu güevu de dragón.
- Títulu: Dragonkeeper (Guardiana de dragones)
- Añu: 2024
- Duración: 99 min.
- País: España
Abraham López, asturianu con 30 años de carrera y director d’animación de la cinta, nun escaez los sos raigaños pa buscar inspiración. Ente los sos llabores, dirixir a los personaxes como si fueren actores.
López ye amás ganador d’un Goya y director del área d’animación y efectos visuales n’U-Tad. Más de 20 de los sos alumnos y alumnes participaron na película.
Una historia d’aventures sobre la superación y que’l destín nun ta escritu. Guardiana de dragones estrenaráse en cines el 19 d’abrilviniente.
Son tiempos escuros na China imperial. Los dragones, antaño amigos y sabios aliaos de los homes, fueron escorríos mientres años y zarraos en cuartones. N’una remota fortaleza nos montes, una neña ayuda a escapar al postreru de los dragones y xúnese a él n’una apasionante misión para recuperar l’ayalga más preciada: l’últimu güevu de dragón, robáu por un malváu bruxu que quier esplotar el so potencial máxicu para algamar la inmortalidá.
