L‘Institutu Asturianu de la Muyer va impulsar un documental sobro la hestoria del deporte femenino na comunidá, en collaboración cola Radiotelevisión del Principáu (RTPA). Esti proyectu audiovisual tien como oxetivu promover la igualdá y prevenir la violencia de xéneru, según fomentar estos valores na sociedá.
La iniciativa, financiada pol Gobiernu d’Asturies nel marcu del Pactu d’Estáu contra la violencia de xéneru, busca visibilizar y poner en valor el trabayu y los llogros del deporte femenino na rexón. Al traviés de narratives personales, analises históricos y testimonios, pretende educar y sensibilizar sobro la importancia de la igualdá de xéneru nel deporte como reflexu de la sociedá.
La película documental, xuntu con conteníos audiovisuales pa redes sociales, va sirvir como ferramienta educativo y de sensibilización pa inspirar a les neñes na práctica deportiva. La convocatoria cunta con una dotación de 50.495 euros.
El proyectu va incluyir un documental con una duración mínima de 90 minutos, xuna versión seriada pa televisión de trés capítulos de 50 minutos cada unu, y conteníos específicos pa redes sociales.
Esta iniciativa reflexa’l compromisu del Gobiernu d’Asturies cola igualdá de xéneru al traviés del deporte, dando visibilidá a los referentes femeninos y fomentando un cambéu ente la población más nueva.
