- Fonte: LNE / galería /
El ritmu de cruceros sigue de forma intensa esta selmana en Xixón. Dempués de recibir nel puertu d’El Musel esti llunes al «Sía Cloud Spirit», de 138 metros d’eslora y 5,65 metros de caláu, y al «Ventura» na xornada d’ayeri, esta mañana foi la vez del «Ambition OPS», un barcu con capacidá pa 1.900 pasaxeros y 426 tripulantes. A lo llargo del día, los turistes tuvieron la posibilidá de visitar Uviéu, Xixón, Avilés, Lluanco y, pa quien lo solicitaren, una escursión a Cuadonga. A munchos d’ellos vióse-yos pela zona centro de Xixón mientres la soleyera mañana.
La selmana de cruceros inda aguarda por una visita más. El próximu domingu va tar n’El Musel el «Aida Sol», un cruceru que tien capacidá pa más de 2.000 pasaxeros y 600 tripulantes. Va Ser la primera de los cuatro esguiles d’esti buque tien previstes p’anguaño nel Puertu de Xixón.
Ta previstu qu’El Musel reciba anguaño, en total, la escala de 39 cruceros qu’en xunto van traer a bordu cerca de 60.000 turistes. El pasáu cursu fueron 27.445 los *cruceristas que llegaron a bordu de 25 embarcaciones.
