- Fonte: LNE /
El «Ventura» llegó a los siete de la mañana dientro d’una selmana con munches escales n’El Musel.
Un nuevu cruceru llegó esti martes a Xixón n’una selmana na que se preven delles escales nel puertu d’El Musel. El llunes foi’l «Sía Cloud Spirit», de 138 metros d’eslora y 5,65 metros de caláu, qu’atracó nel muelle Moliner, y esta mañana foi la vez para’l «Ventura», una embarcación con capacidá para más de 3.000 pasaxeros, munchos de los cualos percorrieron mientres tol día la ciudá.
El «Ventura» atracó sobro los siete de la mañana. Les persones que viaxaben a bordu pudieron escoyer, según esplicaron dende l’Autoridá Portuaria de Xixón, entre xuna amplia variedá d’escursiones pa conocer Uviéu, Xixón, Avilés o Lluanco ya inclusive se-yos va ufiertar faer el descensu del Sella en canoa o esfrutar d’un prestosu paséu pola Sienda del Osu.
La selmana sigue con más visites. Mañana miércoles va ser la vez del «Ambition OPS», con capacidá pa 1.900 pasaxeros y 426 tripulantes. A lo llargo de la xornada, los turistes que saleen nél tamién van tener la posibilidá de visitar Uviéu, Xixón, Avilés, Lluanco y, amás, va ufiertáse-yos xuna escursión a Cuadonga. A lo último, el próximu domingu va tar n’El Musel el «Aida Sol», un cruceru que tien capacidá pa más de 2.000 pasaxeros y 600 tripulantes. Va Ser la primera de les cuatro escales d’esti buque tien previstes p’anguaño nel Puertu de Xixón.
