Los primeros representantes del xéneru Homo surdieron fai 2,8 millones d’años n’África. La nuesa especie, única superviviente, ye tamién la que desenvolvió una mayor intelixencia. VIDEU
En 2008, un equipu d’arqueólogos rusos atopó daqué bien singular n’unos covarones asitiaos nel macizu d’Altái, en Siberia, llamaes cueves de Denísova. Dende 1980 sabíase que podía tratase d’un xacimientu arqueolóxicu importante, pos s’habíen descubiertu restos que se remontaben a fai unos 180 000 años. Lo qu’aquellos espertos toparon nun paecía especialmente llamativu.
Trátase d’un minúsculu fósil del deu d’una adolescente, asitiáu nun estratu xeolóxicu de fai 50 000 años. Escavaciones posteriores desenterraron dellos dientes y la falanxe d’un pie, y en 2012 apaeció un cachu de güesu de dos centímetros de llongura con una antigüedá de 90 000 años. Nun yera gran cosa, pero, por suerte, foi abondu para poder llevar a cabu un analís del ADN calteníu nes amueses. Y les resultancies fueron toa una sorpresa. Nun ta claru cuántes especies d’humanos prehistóricos hai.
