El vienres 3 de mayu celebróse’l Día de les Lletres Asturianes, que supunxo la presentación en sociedá del llibru Conceyu Bable. El frutu y la semiente, obra conmemorativa de la 45 Selmana de les Lletres Asturianes, coordinada por Paco Álvarez.
- El llibru yá ta disponible pa la so descarga gratuita nel catálogu bibliográficu d’esta web y nesti enllaz: Conceyu Bable. El frutu y la semiente.
- https://politicallinguistica.asturias.es/
Páx. 107
Por periodismu modernu vamos entender equí’l qu’incorpora los xéneros procedentes de la tradición anglosaxona, fundamentalmente’l reportaxe y la entrevista, los de naturaleza más puramente informativa frente a los de calter más opinativu que, como l’artículu, la crónica o l’editorial, son más propios de la tradición llatina. Na prensa anterior en llingua asturiana1 , ello ye, no que vien nel Ixuxú, que s’espublizó en Xixón baxo la dirección de Francisco González Prieto ente 1901 y 1902, y n’El regionalista astur, dirixíu por Fabriciano González en 1919, tamién en Xixón, atopamos, amás de noticies, principalmente les qu’informen de les novedaes procedentes del Vaticanu, y por supuestu, poemes y rellatos, presentes yá na prensa asturiana del XIX (Rodríguez Valdés, 2009), artículos d’opinión o testos en xeneral d’esta triba, d’enfotu didácticu, morali zante o mesmo reivindicativu.
Ello ye lo más avezao nes más de les publicaciones de la dómina y, singu larmente nestes, redactaes en realidá por una sola persona y que teníen como 1 Nun tenemos en cuenta equí’l precedente del selmanariu editáu en La Habana La Montera (1883-1884) porque, polo qu’escribe Ramón Sordo Sotres (2021), yera más bien de calter lliterariu.
Portada del periódicu Ixuxú. ARCHIVU D’INACIU GALÁNCONCEYU BABLE. EL FRUTU Y LA SEMIENTE
Conteníu de la obra:
-Presentación institucional, al cargu d’Adrián Barbón.
-«Mediu sieglu qu’abarca un mileniu», por Francisco Álvarez.
-«Conceyu Bable: la hestoria d’un suañu», por Arantxa Margolles Beran.
-«Un gritu, una bandera y un idioma nel que cantar. Les invenciones y recuperaciones simbóliques de Conceyu Bable», por Pablo Batalla Cueto.
-«Conceyu Bable y la impugnación del discursu de la renuncia», por David Guardado.
-«Muyeres en Conceyu», por Marta Mori.
-Entrevista a Xosé Antón González Riaño.
-«Asturias Semanal, periodismu democráticu (tamién) en llingua asturiana», por Cristóbal Ruitiña Testa.
-«Asturias Semanal y Conceyu Bable», por Graciano García.
-«Un colectivu que despertó conciencies», por Laura González.
-«Lletres entonaes a la vera’l castillete del Pozu L’Entregu», por Benigno Delmiro Coto.
-«Conceyu Bable na ayalga de la memoria personal», por Ramón d’Andrés.
-«Mirando atrás con esperanza: los 48 años del Conceyu Diego Suárez d’Urbiés de Conceyu Bable», por Faustino Álvarez Álvarez.
