aniversariu con propuestes pa tolos públicos esti branu: 
Bikepark / 
Talleres d’astronomía /
Senderismu / 
Ciclismu / 
Payares en Verde. 
La telecabina de ????? ????? va tar abierta pa fomentar un disfrute accesible y inclusivu del monte asturianu.Cultura impulsa Veranu en Payares, una ufierta deportiva y cultural pa desestacionalizar la estación ll.eniza
- Valgrande-Payares celebra’l so 70 aniversariu con propuestes pa tolos públicos esti branu
- La telecabina Cuitu Negru va tar abierta pa fomentar un disfrute accesible y inclusivu del monte asturianu
La Conseyería de Cultura, Política Llingüística y Deporte presentó’l programa Veranu en Payares 2024, una iniciativa que quier dinamizar la estación de Valgrande-Payares y la so contorna nes fines de selmana y festivos ente xunu y setiembre. Esti programa, qu’empieza mañana, ufierta una gama amplia d’actividaes deportives, de naturaleza, musicales y gastronómiques, contribuyendo significativamente a la desestacionalización del turismu na comarca. Otru de los atractivos esti branu va ser la telecabina Cuitu Negru, que va facilitar l’accesu a la parte alta de la estación, dexando a los y les visitantes de toles edaes y capacidá física disfrutar d’una esperiencia única en plenu Cordal Cantábricu de forma accesible y inclusiva.
La programación de Veranu en Payares 2024 coincide cola celebración del 70 aniversariu de la Estación Valgrande-Payares, un espaciu que, gracies al trabayu desenvueltu toos estos años y a la ufierta variada y a la bona accesibilidá dende núcleos urbanos, dexa combinar l’esquí na temporada d’iviernu y les actividaes al aire llibre cola riqueza cultural y gastronómica de la rexón, potenciando’l turismu y la economía local a lo llargo de tol añu.
Ente les actividaes destacaes pa la temporada de branu inclúyense les rellacionaes col ciclismu al traviés d’un bikepark que dexa desenvolver actividaes de descensu al tiempu que s’imparten cursos, tanto de técnica como de caltenimientu de la bicicleta.
Tamién los conciertos, la observación d’estrelles, un concursu de fotografía, rutes de senderismu y cicloturismu, competiciones d’enduro y campeonatos de descensu formen parte de la programación de la estación pa esti branu. Nesti sentíu, en toles alternatives propuestes dientro de Veranu en Payares la naturaleza xuega un papel fundamental, dexando disfrutar de la zona privilexada onde ta Valgrande-Payares.
Nes travesíes guiaes de senderismu, de la que se realiza actividá física enséñense los distintos aspectos propios y diferenciadores del sitiu, como la fauna, la flora o la xeoloxía. Tamién s’aprovecha la esperiencia pa enseñar conocimientos básicos d’orientación y llectura de planos y de sistemes electrónicos.
Nos talleres d’astronomía, la maxa de la nueche súmase a l’amplitú de vistes y a la falta de contaminación llumínica que dexen realizar la observación d’estrelles nun entornu de monte altu con seguranza.
Final de La Vuelta en Cuitunigru
Coincidiendo con Veranu en Payares 2024, la etapa 15ª de la Vuelta Ciclista a España 2024 va rematar na estación, nel míticu Cuitunigru, afianzando Valgrande-Payares como un referente del deporte de monte.
La estación va acoyer tamién campamentos pa la mocedá y la xornada Payares en Verde, un proyectu qu’apuesta pola sostenibilidá del entornu asturianu al traviés de salíes pa la recoyida de basura y de la reforestación de la contorna de la instalación deportiva con especies autóctones. D’otra manera, esti branu va celebrase tamién la romería tradicional de la Virxe de Santa María de Valgrande, fomentando tanto’l respetu pola naturaleza como’l caltenimientu de les tradiciones locales.
Telecabina abierta
El programa Veranu en Payares 2024 incluye precios accesibles pa la telecabina, con trayectos a 8 euros y bonos pa tola temporada de branu a 55 euros. Los abonaos de la temporada d’iviernu 23-24 van poder disfrutar del bonu de branu por 30 euros. La telecabina va tar abierta les fines de selmana y festivos de 11 a 18 hores.
