-
Parees Fest
-
@maratdanilyan Semeyes: Mira Hacia Atrás
¡El mural ta completu! Tres díes d’intensa dedicación y conexón cola tradición, Marat Morik terminó la so impresionante obra sobro l’alfarería de Faru, nel marcu de #Parees2024.. Esta creación ye un homenaxe al arte ancestral que definió a esti pequenu pueblu asturianu mientres casi mil años.
Inspiráu pola so visita al taller de Selito, el postreru gran alfareru de Faru, Marat afiguró la esencia d’una tradición que moldió la hestoria y cultura d’Asturies. La cerámica de Faru, nacida de la tierra de la rexón, foi un símbolu de resistencia, creatividá y llucha pola preservación de la identidá local.
El mural nun ye solo un tributu al arte de trabayar el magre, sinón tamién un llamáu a protexer el patrimoniu cultural que ta en peligru de sumir. La obra de Marat Morik captura’l calor del fornu de lleña, les manos que dan vida al magre y la sabiduría que pasó de xeneración en xeneración. ??
Estimamos descomanadamente a Selito y Milita por compartir el so llar y la so sabiduría, y a tolos que fixeron posible esta conexón ente l’arte urbano y la tradición alfarera, especialmente a la Xunta pola defensa de l’Alfarería Tradicional de Faru, a Xosé Ambás y Orlando Morán.
Esti mural ye xuna ventana al pasáu, un reflexu de la identidá asturiana y una ponte escontra’l futuru. Que la cerámica de Faru siga viva na memoria colectiva y que esti arte milenario siga inspirando a xeneraciones vinientes. ?
