Na imaxe, d’esquierda a derecha, la mascota Devi; la conseyera Vanessa; la visitante trés millones del muséu, Daniela Jara, y la mascota Alfonsus.
El Muséu del Xurásicu d’Asturies llega a los trés millones de visitantes l’añu en que celebra’l so ventiavu aniversariu.
-
El 68,57% de los usuarios del equipamientu vien d’otres comunidaes, principalmente de Madrid, Galicia y Castiella y Llión
-
La conseyera de Cultura, Vanessa Gutiérrez, entregó a la neña sevillana Daniela Jara un recuerdu conmemorativu
El MUXA, con una estructura en forma d’una gran buelga tridáctila, acueye una de les amueses más completes y didáctiques del planeta sobro los dinosaurios, qu’atrai numberosu públicu a la zona oriental d’Asturies. Al respective de la procedencia de los usuarios, el 68,57% llega dende otres comunidaes, principalmente de Madrid, Galicia y Castiella y Llión. El 26,92% de los visitantes averase a Colunga dende otres zones d’Asturies, con Xixón, Uviéu y Avilés como principales puntos d’orixe, ente que’l restante 4,51% vien dende l’estranxeru, sobremanera de Francia, Alemaña y Reinu Uníu.
L’amplia programación d’actividaes científiques y divulgatives sobro los fascinantes reptiles prehistóricos y el ricu patrimoniu paleontolóxicu asturianu presente na Mariña de los Dinosaurios espierta l’interés tantu del públicu adultu (65,98%), como de los menores de 11 años (34,02%). El 87,19% de los usuarios visita’l muséu de forma individual, ente que un 12,81% failo en grupu.
