- Fonte: LNE / El Comercio /
Esti actu del cortexu de los venaos ye unu de los mayores espectáculos de la naturaleza. Estos díes tien llugar nos montes y valles asturianos la berrea, unu de los eventos naturales más impresionantes que pueden vese. Trátase del periodu de celu de los venaos machos, caracterizáu pol soníu gutural qu’emiten.
«La Berrea del venáu ye unu de los acontecimientos más llamativos de la Naturaleza na Peninsula Ibérica y ye un privilexu poder asistir a esti espectáculu tan de cerca. Ye un soníu únicu que paez dar la bienvenida a la seronda y que despinta un fascinante significáu na bioloxía del venáu», espliquen Marta y Manu, biólogos y guíes de Terix Biointerpretación que –tres dellos años siguiendo y estudiando esti fenómenu- decidieron entamar una serie de paseos serondiegos, biointerpretados, para amosar la berrea a toa persona interesada en ver daqué más allá del cantar, impresionante, de los venaos.
