La Directiva Hábitats tien por oxetu’l caltenimientu y la protección de los hábitats naturales y de la fauna y flora monteses nel territoriu européu. Con esti fin creóse la Rede Natura 2000, la mayor rede d’espacios naturales protexíos del mundu. VIDEU
Asturies cunta con 13 Zones d’Especial Protección para les Aves y 49 Zones Especiales de Caltenimientu.
Natura 2000 ye una rede ecolóxica europea d’árees de caltenimientu de la biodiversidá. Consta de Zones Especiales de Caltenimientu (ZEC) establecíes acordies con la Directiva Hábitat y de Zones d’Especial Protección para les Aves (ZEPA) designaes en virtú de la Directiva Aves.
La so finalidá ye asegurar la supervivencia al llargu plazu de les especies y los tipos d’hábitat n’Europa, contribuyendo a detener la perda de biodiversidá. Ye’l principal preséu para’l caltenimientu de la naturaleza na Unión Europea.
