Imaxe de Mariana Rodriguez-Santiago
Nun llaboratoriu d’Estaos Xuníos, científicos vieron cómo dos animales fundiéronse para compartir sistemes, con cuenta de siguir viviendo. L’eventu que te cuntamos de siguío ta dando la vuelta al mundu de la ciencia. Consta de lo apocayá asocedío nel Llaboratoriu de Bioloxía Marina de Massachusetts (Estaos Xuníos), llugar nel que dos ctenóforos, animales marinos d’aspeutu similar al de les aguamales, fundiéronse para sobrevivir depués de recibir daños mientres la so captura.
Los investigadores vieron que daqué estrañu asocedía cuando punxeron atención a un ctenóforo que tenía dos órganos apicales, en cuenta de unu, como debería de ser. Tres l’analís que se fixo para afayar qué asocedía, concluyeron qu’en realidá taben reparando dos ctenóforos, pero que se fundieren con dalgún fin.
Resulta que dambos especímenes recibieron daños mientres se-yos prindaba. Eso llevaría a los animales a fundise mientres la nueche para convertise n’una mesma criatura. Los investigadores supieron esto dempués de delles pruebes, siendo una d’elles pinchar al animal y ver la resultancia. Con esto, notaron que los sistemes nerviosos habíense xuníu, pos los dos cuerpos reaccionaron.
